Evry1falls Search Engine (Power By Google)

Evry1falls Search Engine (Power By Google)

Translate Me

Showing posts with label Jan. Show all posts
Showing posts with label Jan. Show all posts

Sunday, October 21, 2012

الموت فى الميدان (رثاء ثورة 25-يناير)

قصيدة : الموت فى الميدان (فى رثاء ثورة 25-يناير)
عاميّه



مش باقى منى .... غير شوية دم
و بقى الأمل فـ مصر .... انك تشيل الهم
دم الشهيد يتباع فجنازته ... قدام أهله
و اللى قبض تمنه ... كان هوا نفسه اللى فيوم قتله

مش باقى منى .... غير شوية دم
عمار يا مصر ... بالأشرار دايما عمار
بالبلطجه و رايات الدمار
الرايات الخضر الطوال
اللى كان مكتوب عليها لا اله الا الله
و النهارده عليها رمز الفساد و الدمار

مش باقى منى ..... غير شوية دم
قليل
لكن فيوم الضيق هنزفهم عشانك سم
يهرى بدن اللى كان عامل عليكى عم
دانتى يا غاليه فالأصل ....... عيله و خاله و أم

مش باقى منى .... غير شوية دم
صعبان عليا منّهم
اللى سجونك ما اتسعت لهم
هربوا و نطوا من على الأسوار
و جم و قالوا على نفسهم ثوار
و هم عمرهم ما كانوا فيوم أحرار ..........

مش باقى منى .... غير شوية دم
و بيقل
مكتوب علينا ندوق المر و الذل
اخوان و لا فل ؟؟
مش مشلكه .... ما هو كاس و داير عـلى الكل
ثورة و دايره و مش عارفين ........... مين الحرامى من الخاين ؟
تقدر تقولى انت يا مصرى يا مواطن ؟؟
ليه و احنا ميـــّـت منّا كتير ... بنروح نجامل اسرائيل

مش باقى منى خلاص .... و لا نقطة دم واحده
مش عارف ليه البلد ساكته ؟
خايفه و قايمه تمد اديها ........ للى جايبلها الكافيه
اصحى يا مصر و افتكرى .... دول اللى أصلا ودونا فداهيه

مش باقى منى غير شويه ....
راحت عليكى و عليّا .... و الأيام السوده علينا جيّــــه
هو احنا ثورنا فبلدنا و لا فبلد تانيه ؟
لو كنا نعرف انه فيوم .... هيحكم فارضك ناس من دول
ما كنا قمنا من عــ السراير ........ و كنا عشنا فلول
يا بلدنا ............ ده اللى بيحكمك .............. دلدول

مش باقى منى .... غير شوية دم
على اسم مصر هندوق العذاب ألوان ...
دى مصر ياهل الله بقت بلد اخوان ...
قايمين فخيرك ... ناكرين جميلك ... بيغيروا اسمك و علمك و نشيدك
على كيفهم .... ما هم اخوان ولاد تسعه
و احنا و لاد ستين .... عشان فيوم سبنا بيوتا و نزلنا فالميادين
نجيب حقوقنا ... و حقوق ولادنا من الحراميه
عيش .. و حريه ... و عداله قال ايه اجتماعيه
هدمنا نظام فاسد ... و بنينا خيبه قويه

مش باقى منى ... غير شوية دم
قمت يا فالح فى الميدان و هزيت سيفك ؟؟
مستنى ايه من الجعان غير انه ياكل عيشك ؟؟
احكيلى عللى مات و انذل
و احكيلى عللى داق الظلم
الله اعلم .. جايز اسكت انا و اتلم !

Thursday, January 27, 2011

Open facebook.com from egypr AnyTime you like - فتح الفيس بوك من مصر فى أى وقت حتى لو محجوب من الجن الازرق

بسم الله الرحمن الرحيم

لأن الفيس بوك محجوب فمصر النهارده 28 يناير 2011 قررنا اننا نفتحه عشان محدش قلنا مين اللى قفله ؟؟ و قفله ليه ؟؟
طريقة الفتح سهله لكن الهدف منها أنك تقدر تتواصل مع اصحابك و تكمل اللى كنت بتعمله ... يعنى مش هتقدر تلعب حاجة ....

الطريقه الاولى :-

عن طريق الموبيل ادخل من على المتصفح بتاعك على m.Facebook.com و عيش

الطريقه التانية :-

عن طريق الكمبيوتر العادى ...
1- اذهب الى موقع  Opera mini و افتح الفيس بوك على الكمبيوتر على أنه موبيل
ممكن يطلب منك تنزيل جافا .... قم بتنزيلها و تصطيبها و اعمل رفريش للموقع هتلاقى الجافا بتحمل 10 دقايق و هتلاقى المتصفح الصغير ظهر . اكتب فيه Facebook.com و سجل دخولك و عيش ...

لو فيه أى سؤال انا فاتح الفيس بوك عالموبيل ....

مع تحياتى : evry1falls
ابحث عنى فالجوجل ....

Facebook is inaccessible today March, 17, 2013 in Egypt
No one knows why

Comment using facebook